黎泽恩演暗黑人格获讚 首与张振朗合作 挑战“神同步”

林保怡、张振朗主演的TVB剧集《刑侦12》，昨晚（11日）一集讲述刑凯（张振朗饰）透过芷菲（傅嘉莉饰）的催眠，忆起自己曾遭受校园欺凌，并亲眼目睹爱犬遭同学抛入河中惨遭溺死，暗黑人格（黎泽恩，Ronny饰）因而诞生。

Ronny之前在张振朗角色宣传海报出现，已凭“深红色眼袋”及“邪恶笑容”引起关注。他昨晚除继续以招牌邪恶样出现，和张振朗“神同步”与芷菲说话一幕亦引起观众注视。

Ronny接受tvb.com访问时，称当日与张振朗去到现场才知要这样拍摄，这场“神同步”戏更是两人首次合作的第一场戏。

他说︰“当时係有啲突然，因为有啲难度，虽然大家都背咗嗰4、5句对白，但未必跟足剧本讲，同埋会有语气同节奏嘅分别。咁短时间内要有默契，仲要手势同表情都要配合，係有难度。我记得当时练咗5至10分钟左右，大家Keep住不断沟通，都顺利3、4个take左右就完成。可能我玩音乐，对拍子有少少敏感，所以都好彩跟到振朗个感觉。佢係令你好舒服、唔会觉得有压力嘅人，第一次见佢已觉得係朋友咁。”

Ronny表示拍摄时没有当暗黑人格是“人”：“呢个角色同以往嘅奸角演绎上有分别，因为喺我角度，佢并不是一个人，而係一个精神状态；我亦觉得佢同林昱水有分别，我都想做出嚟唔相似。因为我唔当佢係人咁演，所以我会演得好夸，例如讲嘢好沉咁。红眼係剧组嘅功劳，我只係提议佢化得再红啲，因为想表达戾气重啲嘅感觉。”